موقع إزاى اروح دوت كوم

المطريه ليها كذا طريق ممكن عن طريق المترو وده الطريق الاسهل هتركب المترو اي محطه وتروح اتجاه المرج وتنزل محطه المطريه  هتخرج برا هتلاقي مواصلات هتوديك الي ميدان المطريه والالف  مسكن . ممكن تروحها برده عن طريق المواصلات اركب للعتبه ومن العتبه  في اتوبيسات بتروح المطريه وحلميه الزيتون 

ازاي اروح مول العرب ؟ تروح مول العرب من رمسيس تركب الي الاوللي وبعدين تركب الي اكتوبر وتنزل عند المول او ممكن تروح من التحرير او ميدان لبنان تركب الي اكتوبر وتنزل مول العرب من المترو انزل محطه الشهداء واركب الي اكتوبر وتنزل عند مول العرب 

ازاي اروح ساقية الصاوي - افضل ٤ طرق للذهاب للساقيه مواصلات تقع ساقية الصاوى الثقافية فى ش 26 يوليو , امام سنترال الزمالك , الزمالك , القاهرة. تحت كوبرى 15 مايو بالزمالك من ناحيه أبو الفدا الأسعار ممكن تكون اختلفت فا دى اسعار تقريبيه اتصل بيهم على تليفون ٠٠٢٢٧٣٦٨٨٨١ ٠٠٢٢٧٣٧٤٤٤٨ محمول ٠٠٢٠١٠٠٠٩٩٩٩٩٥ ٠٠٢٠١٠٠٠٩٩٩٩٩٤ اتمنى نكون جاوبنا على سؤال ازاي اروح ساقية الصاوي متنساش لايك و شير لو ساعدناك

ازاى اروح كايرو فيستيفال سيتى - اسرع ٣ طرق للذهاب لكايرو فيستيفال مواصلات لو بالعربيه: تاخد دائرى اتجاه المعادى و تفضل ماشى طوالى هو على يمين اول نفق تقابله متنزلش النفق و من فوقه تخش يمين فى اول يوترن و ترجع تخش  كايرو فيستيفال امشى مع ال GPS اكتب فى الجهه Cairo festival City Mall من  موقف المنيب  خد ميكروباص الى بيروح زهراء مدينة نصر وقله نزلنى قدام  كايرو فيستيفال سيتى  مول. ممكن تركب من   الحى العاشر  بتاع مدينة نصر ميكروباص التجمع و تقول للسواق ينزلك قدام  كايرو فيستيفال سيتى  مول او اقرب حته و تاخد تاكسى. فى الرجوع المواصلات صعبه فا ممكن تاكسى او Uber او Careem للمنيب و اركب المترو, او تاكسى لأقرب مكان ليك.  اتمنى نكون جاوبنا على سؤال ازاى اروح كايرو فيستيفال سيتى

المجلس الثقافى البريطانى مكان كتير من الناس بتروحوه كل يوم علشان يخلصوا ورق و شهادات و توثيق و الأهم كورسات انجليزى. النهارده ها نقول لكم اسهل طرق ل(British council, Agouza) للمجلس الثقافى البريطانى  او المعهد البريطانى زى مالناس بتسميه. اسهل طريقه هى المترو تركب المترو من اى محطه و تنزل  الدقى   ها تطلع و تقف الناحيه الرايحه ناحيه قسم الدقى و بنك فيصل و كوبرى قصر النيل و خد تاكسى ب ٥ او ٧ جنيه بالمكتير  و دى اسرع طريقه. و ممكن من  الأوبرا  تطلع تاخد تاكسى برضه لو معاك شويه وقت  و فى موصلات ها تبقى مواصليتين من محطه  الدقى  برضه من نفس الشارع  شارع التحرير  ها تلاقى ميكروباصات و اتوبيسات اركب اى حاجه و قولوا قسم الدقى و من قسم الدقى تعدى لناحيه النيل (شارع النيل)  و خد ميكروباص الكيت كات (ها تلاقيها واقفه فى اول شارع النيل) و قول للسواق ينزلك قدام المجلس الثقافى البريطانى لو بالعربيه و كمل فوق المحور، لما تلاقى نادى الزمالك على يمينك اخرج من اول فتحة يمين و امشى مع سور نادى الزمالك لشارع جامعة الدول العربية و

النهارده هانقولكوا ازاى تروحوا سفير فى مصر الجديده.  فى طريقتين  ١- انزل محطه حلميه الزيتون  و بعدين اركب ميكروباص من قدام المحطه بيقول (٤ و نص) و قوله عايز انزل سفير او من حلميه الزيتون اركب ترام و انزل محطه سفير  -   هاتعرفها بكنتاكى  و بيتزا هات و موبينيل  ٢ - تانى طريقه  اركب لموقف ال الف مسكن  و من هناك اركب ميكروباص الكوربه و انزل ميدان الأسماعيليه عند السلام شوبينج سنتر خليه على يمينك و امشى شمال ٥٠ متر و هاتلاقى نفسك فى سفير

القرية الذكية شركة مصرية تسمى لها عدة قطع اراضى بالمناطق لأقامة توسعات مستقبلية وتأسست مع تأسيس المشروع الأول بمدينة السادس من اكتوبر بالمحور المركزى عام 2001م. ويكيبيديا ازاى تروح القريه الذكيه؟ فى اكتر من طريقه،  ١ - انزل محطه الشهداء  و روح موقف الأزبكيه   واسال فين ميكروباصات اكتوبر،  - ممكن تركب ميكروباصات اكتوبر من كذا حته، من ميدان لبنان و من موقف العاشر و من المرج انت هاتنزل (سلم الصحراوى) انزل عند سلم الصحراوى و اركب ميكروباصات تعبانه كده بتروح القريه الذكيه هتنزلك قدام القريه و من جوه القريه الذكيه فى اتوبيس ببلاش بيعدى على الشركات ممكن تركبه. اسأل الأمن ال على البوابه عليه و لو جاى من اسكندريه اركب رمسيس صحراوى و قولوا ينزلك بعد المدخل عند القريه الذكيه شركة تنمية وإدارة القرى الذكية   التليفون  +202 353 52 000 :   الفاكس  +202 353 52 001 :   الاميل : info@smart-villages.com العنوان : بناء 1، شارع. 26، القرية الذكية مصر، الجيزة، 12577، مصر www.smart-villages.com