موقع إزاى اروح دوت كوم

 ازاى اروح الرحاب - اسهل طرق بالمترو او بالمواصلات alrehab الرحاب هو حي سكني يقع في مدينة القاهرة الجديدة شرق محافظة القاهرة، مصر. تعتبر أول مدينة سكنية متكاملة ينشئها القطاع الخاص في مصر. و الرحاب على طريق السويس الصحراوي وتبعد ١٥ دقيقة عن مدينة نصر و مصر الجديدة . ها تركب مترو من اى حته لسرايا القبه  انزل محطة سرايا القبة و اول ما تطلع هتلاقى على شمالك اوتوبيسات الرحاب واقفة هناك هي كل نص ساعة تقريبا و هو بياخد حوالى ساعه الاربع و من مكان ما تنزل فى مايكروباصات لكل الأماكن فى الرحاب و فى الرجوع   من اى مكان اى مينى باص يوصلك للمحطه الكبيره فى الرحاب ومن هناك فى باص مكتوب عليه مدينه نصر والتانى سرايا القبه اختار ال اقرب ليك  لو رايح بالعربيه الموقع عالGPS اهو

 ازاى اروح المترو - تعرف علي خطوت و محطات المترو metro كتير من الناس بتسأل على محطات المترو و ايه قبل ايه و كده. هنا كل اسماء و ترتيب المحطات. ا لخط الأول ترتيب محطات مترو أنفاق القاهرة بالخطين الأول والثاني حلوان عين حلوان جامعة حلوان وادي حوف حدائق حلوان المعصرة طرة الأسمنت كوتسكا طرة البلد ثكنات المعادي المعادي حدائق المعادي دار السلام الزهراء مار جرجس الملك الصالح السيدة زينب سعد زغلول السادات جمال عبدالناصر أحمد عرابي الشهداء غمرة الدمرداش منشية الصدر كوبري القبة حمامات القبة سراي القبة حدائق الزيتون حلمية الزيتون المطرية عين شمس عزبة النخل المرج المرج الجديدة الخط الثاني المنيب ساقية مكي ضواحي الجيزة محطة الجيزة فيصل جامعة القاهرة البحوث الدقي الأوبرا السادات (متقاطع من الخط الأول) محمد نجيب العتبة الشهداء (متقاطع من الخط الأول) مسرة روض الفرج سانت تريزا الخلفاوي المظلات كلية الزراعة شبرا الخيمه الخط الثالث ( ال احمر محطات لسه ماشتغلتش) : مطار القاهرة    السلام (موقف العاشر)    عمر بن الخطاب   قباء النزهة٢ النزهة١ نادى الشمس ألف مسكن ميدان هليوبليس هارون الرشيد شارع لأهرام كلية ا

 ازاى اروح مدينه نصر و سيتى ستارز, احسن ٣ طرق بالمترو,ازاى اروح مدينه نصر وسيتى ستارز - اسهل 3 طرق بالمترو او بالمواصلات ناس كتير بتروح مدينه نصر علشان سيتى ستارز City Stars وحاجات تانيه كتير شركات و اماكن. طبعا اسهل طريقه هي المترو بس انهى محطات افضل؟ ها نقول لكوا على افضل ٣ محطات مترو.  محطة العتبه ومن هناك تغير للخط الثالث وتنزل العباسية ومن العباسية حجات كتير جدا بتدخل شارع الطيران اركب لسيتى سارز محطة سراى القبه  ومن هناك فى ميكروباصات بتروح مدينة نصر اطلع فوق اركب مايكروباصات اول عباس اول مكرم عبيد و قول للسواق سيتى ستارز هاينزلك قدامه فى رمسيس فى حاجات كتير اوى لسيتى ستارز بس علي حسب الوقت فى ايام الشغل بلاش اختار حل تانى لكن فى العادى بيبقى فى مواصلات كتير من رمسيس. لو ساكن  فى اى حته اركب حاجه لأول مكرم. و اتمشى خطوطين لسيتى ستارز . 

 ازاي اروح نادي الشمس الرياضى - اسهل 3 طرق بالمترو او بالمواصلات,نادى الشمس فى مصر الجديده نادى الشمس فى مصر الجديده هو نادى اجتماعى رياضى و ناس كتير سألتنا عليه و ازاى يروحوا.  من محطة كوبرى القبة واركب ميكروباص رايح موقف العاشر او جراج او عرب كلهم نفس الخط بس هما على حسب السواق اسأل قبل ما تركب حسب الزحمة وانزل بعد الشرطة العسكرية ( الف مسكن ) بشوية دى بوابة 1 نادى الشمس من محطه عين شمس او المطرية : هتلاقى بعد ما تطلع من المحطة ميكروباص الف مسكن هتمشى حتة صغيرة اسرع من الطريقة اللى فاتت وهتروح نفس البوابة محطة حلمية الزيتون : هتركب اى ميكروباص برضه و تنزل  ال الف مسكن عند موقف رابعة ده دى بوابة 3 او تكمل وتدخل نفس البوابة اللى هي 2 لو بالعربيه: العنوان: ش عبد الحميد بدوى, مصر الجديدة , القاهرة بجوار سى اى بى - البنك التجارى الدولى

ازاى اروح ابو يوسف السورى المهندسين - اسهل 3 طرق بالمترو او بالمواصلات - ازاى اروح ابو يوسف السورى المهندسين احسن ٣ طرق ناس سألت ازاى تروح عند ابو يوسف السورى ال فى المهندسين . دى حته لطيفه و فيها قهاوى و على شارع لبنان ال فيه محلات كتير. من مترو السادات و تتمشى  لعبد المنعم رياض و من هناك تركب مايكروباص اكتوبر او حصرى و تقول للسواق ميدان لبنان تنزل قبل الكوبرى الطالع اكتوبر او من تحت فى ميدان لبنان و من هناك تتمشى او تاخد تاكسى ب ٥ جنيه امشى ورا الGPS التحت من مترو الشهداء امشى من المحطه لقسم الأذبكيه و لف يمين من جنب القسم هتلاقى موقف احمد حلمى اركب مايكروباص اكتوبر او هايبر و قوله ميدان لبنان  و من هناك تتمشى او تاخد تاكسى ب ٥ جنيه امشى ورا الGPS التحت من محطه مترو الدقى تطلع امشى لحد اول البطل من ناحيه نزله الكوبرى تاخد مايكروباص لأخر شارع البطل احمد عبد العزيز هتلاقيها مايكروباصات كبيره بتنادى قوله اخر الشارع. انزل جامعه الدول العربيه و اتمشى او خد تاكسى ب٥ جنيه قوله شارع سوريا عند البنك الأهلى و خريطه الGPS  تحت من اى حته تانيه محتاج تركب اى حاجه لميدان لبنان و من هناك سهل توصل

 إزاي أروح مستشفى 57357 - اقرب محطات مترو,إزاي أروح مستشفى 57357 - اسهل طرق بالمترو او بالمواصلات مستشفى سرطان الأطفال أو مستشفى 57357 أحد أكبر مستشفيات الأطفال في العالم يقع في القاهرة بمصر ويختص في علاج سرطانات الأطفال. ويتميز هذا المستشفى بكونه بني عن طريق التبرعات مع حملة دعائيّة كبيرة صاحبت بناءه. اسهل طريقه تروح مستشفى ٥٧٣٥٧ هى المترو. فى محطتين قريبين من المستشفى السيده زينب الملك الصالح اى محطه فيهم اطلع و اركب تاكسي للمستشفى مسافه قصيره من ٥ - ١٠ دقايق الخريطه GPS تحت 

 ازاى اروح مطار القاهره الدولى - اسهل طرق بالمترو او بالمواصلات Cairo International Airport ها تركب مترو من اى حته لمحطه العتبه تبدل لمترو العباسيه و تنزل  محطه الأهرام ها تطلع تتمشى زى الخريطه فى شارع نزيه خليفه لحد شارع العروبه ناحيه قصر البارون و تعادى الناحيه التانيه من شارع العروبه قدام قصر البارون اركب اى مايكروباص و قوله نزلنى عند فندق فيرمونت او عند اوتوبيسات الرايحه المطار ها تنزل قدام الفيرمونت المايكروباص ها يطلع الكوبرى انت كمل قبل الكوبرى على طول من تحت الكوبرى و عدى الناحيه التانيه و استنى اوتوبيس داخل طريق المطار اى اوتوبيس جاى اسأل و لو رايح قولوا نزلنى عند موقف اوتوبيسات المطار ها ينزلك عند محطه فيها اوتوبيسات مصر للطيران المجانيه الهاتدخلك اى بوابه انت عايزها للمطار و السواق بينده عند كل بوابه 

 ازاي اروح قصر الامير محمد علي بالمنيل - قصر الامير محمد علي توفيق , اسهل طرق بالمترو او بالمواصلات قصر الأمير محمد علي بالمنيل أو قصر المنيل يعد تحفة معمارية ذات قيمة كبيرة، يقع بالمنيل وهو حي يقع بجزيرة الروضة النيلية في القاهرة. تحيط به حدائق غنائة، ولا يزال يحتفظ بطرازه المتأثر بالعمارة المغاربية رُغم مرور الوقت. ويُستخدم اليوم كمتحف.   المترو  انزل محطة الاوبرا واتمشي شويه لحد كوبري قصر النيل علشان تروح القصر من كوبرى قصر النيل اركب اى حاجه اول المنيل هينزلك قدامه الأوتوبيس وممكن عن طريق الأوتوبيس اركب من رمسيس الباص اليكون رايح القصر العينى هينزلك عند قصر النيل انزل و اركب اى اتوبيس رايح اول المنيل هينزلك قدام القصر او يكون رايح فم الخليج هتنزل عند القصر الفرنساوى هتعدى كوبرى صغير  دايما تابع السكه على الGPS

 مول مصر في السادس من أكتوبر,ازاى اروح مول مصر,ازاى اروح مول مصر   مول مصر في السادس من أكتوبر على طريق الواحات قدام مدينة الإنتاج الإعلامي: من الهرم من موقف “مشعل” بالهرم فى مايكروباصات رايحة الحي السادس في 6 أكتوبر قول للسواق ينزلك مول مصر من ميدان الرماية فى اوتوبيسات لأكتوبر من ميدان الجيزة اسأل فين مايكروباصات اكتوبر و قول للسواق مول مصر من اى حتة تانية اركب لرمسيس مترو الشهداء او مايكروباص و من رمسيس اركب لميدان الرماية او مشعل او ممكن تنزل مترو جمال عبد الناصر و اطلع اركب مايكروباصات الحصرى و قول للسواق مول مصر لو رايح بالعربية امشى عالخريطة:

 ازاي اروح العاصمة الادارية الجديدة - ازاى اروح العاصمة الادارية الجديدة من رمسيس - كيف اذهب إلى العاصمة الادارية الجديدة - العاصمة الادارية بالقاهرة الجديدة,ازاى اروح إلى العاصمة الجديدة من الهرم,ازاى اروح الى العاصمة الادارية الجديدة من الجيزة تعتبر العاصمة الادارية الجديدة من اكبر المشاريع التي اعلنت عنها الحكومة المصرية في مؤتمر دعم الاقتصاد و تنميتة المصري وذلك في مارس 2015 ، وقد اشارت الحكومة المصرية الي انها سوف تقدم اكبر المشاريع الاستثمارية الجديدة وتم تسميتها بالعاصمة الادارية في اشارة الي تقليل الكثافة السكانية في العاصمة القاهرة والتي تكاد ان تكون مزدحمة دائما ليلا ونهارا ، فتم اختيار موقع جديدة ليكون هو موقع العاصمة الادارية الجديدة ويتم نقل اغلب المؤسسات الحكومية الهامة والكبيرة الي هناك ومنها مقر للبرلمان والرئاسة والزارات الرئيسية ، واغلب السفارات الجديدة الاجنبية بالاضافة الي مطار دولي موقع العاصمة الادارية الجديدة تقع العاصمة الادارية الجديدة  بالمنطقة الشرقية للعاصمة المصرية ” القاهرة ” وهي بعد القاهرة الجديدة ومدينة المستقبل ومدينة مدينتي والرحاب  يحدها من الشمال ال